صناعة محتوى في قطر

صناعة المحتوى مش بس تصوير. هي إنك تعرف شو بدّه زبونك يشوف، وتقلّو ياه بطريقة بتشبه المنصة. فيديو قصير بأول 3 ثواني قوية، صورة مرتبة، وستوري بتخلّي الناس تسأل.

نحنا منبلّش من البزنس تبعك: شو بتبيع، مين زبونك بقطر، وشو اللي بيخلّيه يختارك. ومن هون منطلّع أفكار الشهر كلها.

أول شي منكتب خطة محتوى شهرية: الأفكار، السكريبتات، وأيام النشر. إنت بتشوفها وبتوافق قبل ما نصوّر.

بعدين منجي لعندك بالموقع، بالمطعم أو العيادة أو المعرض أو المكتب، ومنصوّر كل فيديوهات الشهر بجلسات مرتّبة.

بعد التصوير منونتج Reels وStories، ومنصمم البوستات والكاروسيل، ومنكتب الكابشن والهوك لكل منشور.

وبالآخر منجهّز كل شي للنشر على إنستغرام وتيك توك وفيسبوك وسناب شات، بحسب الخطة.

الناس بتتابع اللي بيشبهها. لما يشوفوا الفريق الحقيقي، والمكان الحقيقي، والزبون الحقيقي، بيثقوا أسرع من أي إعلان مصمّم.

عشان هيك أغلب شغلنا مصوّر بالبزنس نفسه، مش صور جاهزة من الإنترنت.

للبزنس اللي ما عنده وقت يصوّر وينشر كل يوم، وبدّه حدا يستلم المحتوى من الفكرة للنشر: مطاعم وكافيهات، عيادات، صالونات، معارض سيارات، عقارات، ومحلات وشركات بكل قطر.